Ítróttaravtalan dagførd

Sambært pkt. 4 í Ítróttaravtaluni frá 23. juni 2010 skulu lønarupphæddirnar regulerast 1. mai, so tær fylgja lønargongdini í sáttmálanum hjá Føroya Arbeiðarafelag.

Sambært nýggjasta lønarsáttmálanum millum Føroya Arbeiðarafelag og Føroya Arbeiðsgevarafelag, galdandi frá 1. august 2020, er grundlønin ásett til kr. 133,89 um tíman frá 1. august 2020 og kr. 135,56 frá 1. mai 2021.

Frá 1. august 2020 eru tí fylgjandi upphæddir galdandi:

Minstakravið til inntøkuna frá ítróttarfelagnum er: løn pr. mðr. kr. 12.067,72.

Mest loyvda inntøka fyri hjávinnustarvi er íalt: løn pr. mðr. kr. 11.139,43

Dagførdu satsirnir eru galdandi fyri allar setanarsáttmálar, ið eru undirskrivaðir eftir at henda kunning er fráboðað á heimasíðuni hjá Útlendingastovuni.

Fyri longu givin ítróttarloyvir, eru tær upphæddir framvegis galdandi, sum givna loyvið var grundað á.