Hagtøl fyri 2021 – uppihaldsloyvi til Føroya

Fyri árið 2021 var samlaða talið av uppihaldsloyvum latin á útlendingaøkinum 1734.

Tølini stava frá donsku útlendingamyndugleikunum og vísa yvirlit yvir upprunaloyvi (latin fyrstu ferð), framleingjanir og varandi loyvi.

Fyrivarni

Tølini vísa uppihaldsloyvi latin í 2021 og nøkur fyrivarni skal takast, tí tølini vísa avgerðir um uppihaldsloyvi og ikki endiliga tilflyting/búseting í Føroyum. Her hyggja vit serliga eftir upprunaloyvum, tað er uppihaldsloyvi givið fyrstu ferð til ein einstakling (sí "førstegang"). Á arbeiðsøkinum kann tó eitt upprunaloyvi vera givið einum og sama persóni meiri enn einaferð yvir eitt tíðarskeið (við t.d. starvsskifti).

Sambært hagtølum hjá Landsfólkayvirlitinum var talið av útlendingum við øðrum tjóðskapi enn norðurlendskum 2255 við ársenda 2021.

Yvirskipað

Á arbeiðsøkinum (sí “erhverv”) eru tølini fyri 2021 fyri ES-skipanina aftur komin á líknandi støði, sum tað var í 2019. Loyvi eftir vanligu útlendingalógini (onnur enn ES-lond) eru hækkaði aftur samanborið við 2020. Talið av upprunaloyvum eftir ES-skipanini er 620 (í 2020; 588) og eftir vanligu útlendingalógini 176 (í 2020; 132).

Uppihaldsloyvir grundað á familjusameining verða givin við varandi uppihaldi í landinum fyri eyga (sí “familiesammenføring”), ímeðan samfylgjandi familja til útlendskan arbeiðstakara er persónur á arbeiðsøkinum (erhverv) har uppihaldsloyvi verður latið við fyribils uppihaldi fyri eyga – hjúnafelagir vóru 88, har av hesum eru 62 eftir vanligari familjusameining, meðan 26 eru samfylgjandi familja til arbeiðstakara (erhverv). 34 børn fingu uppihaldsloyvi í 2021, 12 sum familjusameining, meðan 22 eru samfylgjandi familja hjá útlendskum arbeiðstakara. Í 2020 fingu 36 børn uppihaldsloyvi.

i –Mál, størstu bólkarnir 2021 (tøl frá danska Udlændingestyrelsen)

ii – Upprunaloyvi (fyrstu ferð), eftir tjóðskapi – 2021

iii - Varandi loyvi, eftir tjóðskapi – 2021

iv – Eftir tjóðskapi, øll mál í 2021 (upprunaloyvi, leingjan og varandi loyvi)