Hagtøl fyri 2019 – uppihaldsloyvi til Føroya latin av donsku útlendingamyndugleikunum

Samlaða talið av uppihaldsloyvum latin á útlendingaøkinum í 2019 er 1652.

Tølini stava frá donsku útlendingamyndugleikunum og vísa yvirlit yvir upprunaloyvi (latin fyrstu ferð), framleingjanir og varandi loyvi.

Fyrivarni

Tølini vísa uppihaldsloyvi latin í 2019 og fyrivarni skal takast, tí tølini vísa avgerðir um uppihaldsloyvi og ikki endiliga tilflyting/búseting í Føroyum. Her hyggja vit serliga eftir upprunaloyvum, tað er uppihaldsloyvi givið fyrstu ferð til ein einstakling (sí "førstegang"). Á arbeiðsøkinum kann tó eitt upprunaloyvi vera givið einum og sama persóni meiri enn einaferð yvir eitt tíðarskeið (við t.d. starvsskifti).

Yvirskipað

Tað er serliga á arbeiðsøkinum (sí “erhverv”) at tølini framvegis eru høg, serliga loyvi eftir ES-skipanini, men eisini eru loyvir eftir vanligu útlendingalógini (onnur enn ES-lond) hækkandi samanborið við 2018. Talið av upprunaloyvum eftir ES-skipanini er 658 (í 2018; 424) og eftir vanligu útlendingalógini 161 (í 2018; 75).

Uppihaldsloyvir grundað á familjusameining verða givin við varandi uppihaldi í landinum fyri eyga (sí “familiesammenføring”), ímeðan samfylgjandi familja til útlendskan arbeiðstakara er á arbeiðsøkinum har uppihald verður latið við fyribils uppihaldi fyri eyga – hjúnafelagir vóru 69, har av eru 46 eftir vanligari familjusameining, meðan 23 eru samfylgjandi familja til arbeiðstakara (erhverv). 57 børn fingu uppihaldsloyvi í 2019, 27 sum familjusameining, meðan 30 eru samfylgjandi familja hjá útlendskum arbeiðstakara. Í 2018 fingu 31 børn uppihaldsloyvi.

i –Mál, størstu bólkarnir 2019 (tøl frá danska Udlændingestyrelsen)

ii – Upprunaloyvi (fyrstu ferð), eftir tjóðskapi – 2019

ii - Varandi uppihaldsloyvi, eftir tjóðskapi – 2019

iii – Eftir tjóðskapi, øll mál í 2019 (upprunaloyvi, leingjan og varandi loyvi)